طريقة حظر أي جهاز من الواي فاي باستخدام Blacklist و Whitelist في الراوتر

ما هي ميزة البلاك ليست والوايت ليست في الراوتر؟ وكيف تتحكم في شبكتك بذكاء؟

الإنترنت أصبح عنصر أساسي في حياتنا اليومية. لكن مع زيادة عدد الأجهزة المتصلة بالواي فاي داخل البيت أو العمل، التحكم في الشبكة بقى ضرورة، مش رفاهية

هل سبق وفكرت إزاي تمنع شخص معين من الدخول لشبكتك حتى لو معاه كلمة السر؟ أو إزاي تضمن إن مفيش غير أجهزة محددة هي اللي تقدر تستخدم الواي فاي بتاعك؟

الحل هنا بييجي من ميزتين مهمين موجودين في معظم أجهزة الراوتر الحديثة: 

  البلاك ليست (Blacklist) و الوايت ليست (Whitelist)

مؤكد انك سمعت المصطلحات دي قبل كده و اليوم هوضحلك كل شيء بالاضافه لطريقه وشرح مفصل لتفعيل ايآ منها 

أولاً: ما معنى البلاك ليست (Blacklist) في الراوتر؟

البلاك ليست هي القائمة السوداء أي جهاز تضيفه في القائمة دي، بيتحرم من الدخول على الشبكة حتى لو عارف كلمة السر

مثال بسيط:

لو ضيف عندك أخد الباسورد وفضل متصل بالواي فاي من بيته، ممكن تروح على إعدادات الراوتر وتضيف جهازه في البلاك ليست. من اللحظة دي، مهما حاول يتصل مش هيدخل

ثانياً: ما معنى الوايت ليست (Whitelist) في الراوتر؟

الوايت ليست هي القائمة البيضاء. على عكس البلاك ليست، هنا الشبكة بتسمح بس للأجهزة اللي إنت مسجلها إنها تتصل، وأي جهاز تاني – حتى لو معاه الباسورد – مش هيعرف يدخل

مثال عملي:

لو عايز شبكة البيت تبقى محصورة في تليفونات العيلة بس، بتضيف أجهزة أفراد الأسرة في الوايت ليست. أي جهاز جديد يكتب الباسورد، مش هيشتغل عنده نت

الفرق بين Blacklist و Whitelist : 

الفكرة 🤔

Blacklist = منع أجهزة محددة من الشبكة.

Whitelist = السماح فقط لأجهزة محددة.

الاستخدام ⌨️

Blacklist = عزل جهاز مزعج أو غير مرغوب.

Whitelist = حماية الشبكة وقصرها على أجهزة معينة.

المرونة 🧠

Blacklist = تضيف جهاز واحد أو أكثر للمنع.

Whitelist = لازم تسجل كل الأجهزة المسموح لها.

أفضل وقت للاستخدام 🥇

Blacklist = عندك intruder أو ضيف مزعج.

Whitelist = لما تحب أقصى درجة حماية

ليه الميزة دي مهمة؟

زيادة الأمان: بتحمي شبكتك من أي شخص عايز يستغل الباسورد اللي وصله 🔐

توفير السرعة: لما تمنع أجهزة زيادة، النت يبقى أسرع للناس اللي محتاجاه ⏰

التحكم في استهلاك الأطفال :  ممكن تمنع جهاز ابنك في أوقات المذاكرة 👼

إدارة العمل : في الشركات الصغيرة، الوايت ليست بتضمن إن بس الموظفين اللي مسموحلهم يدخلوا 🏢

خطوات تفعيل البلاك ليست والوايت ليست على الراوتر ▶

المسمّيات بتختلف حسب نوع الراوتر (TP-Link – Huawei – ZTE – Tenda)، لكن الفكرة وحدة

افتح المتصفح واكتب عنوان الراوتر: 

غالبًا يكون: 192.168.1.1 أو 192.168.0.1

سجّل الدخول:

اسم المستخدم وكلمة السر بيكونوا admin/admin أو مطبوعين على ظهر الراوتر

افتح صفحة التحكم في الأجهزة:

في حالتي الاول Local Network 👍

ثم في الشريط الجانبي يظهر كلمه WLAN اضغط عليها المشار اليها برقم 2   

ثم اضغط على  WLAN advanced المشار اليه برقم 3 كما ذكرت سابقا قد تختلف الترتيب ولكن الاسماء في الاغلب واحده 

و دلوقتي هشرحلك شويه تفاصيل مهمه : 

كلمه No Filter هي الوضع الافتراضي معناها انه لا يوجد اي قوائم او حظر معين على اي جهاز وهي تفعلها اذا حبيت تلغي اي فلاتر او قوائم سوداء او بيضاء على الروتر مهم تتذكرها اذا حبيت تلغي كل شيء !

بعد كده رقم 2 وهي القائمه السوداء كما ذكرنا سابقا وهي لحظر اجهزه معينه انت تحددها اضغط عليها ثم Apply اذا حبيت تعتمد على هذه الطريقه وانتظر الخطوة الجايه ...

واضغط على White List اذا حابب تبدأ بتحديد اجهزتك وتلقائيا الروتر يحظر اي اجهزه غيرها .. 

لكن معلومه مهمه جداااا ⚠ 

لاتضغط على اي شيء من الاختيارات دي سواء بلاك ليست او وايت ليست قبل ان تضيف الاجهزه اولا 

لانك اذا ضغطت وفعلت وايت ليست مثلا قبل اضافه الجهاز الخاص بك اولا سيتم حظرك 🤦‍♂️ ومش هتقدر ترجع تسجل دخول الا اذا اعدت ظبط مصنع للروتر ! لذلك مهم ان تضيف جهازك اولا اذا فعلت القائمه البيضاء لاتنسى 

كيف تضيف الاجهزه الخاصه بك ؟

ببساطه نتوجه لاختيار  Access Control-Rule Configuration

المشار اليه بالصوره بالاسفل رقم 1 

ثم نضغط على اختيار 

Create New Item لانشاء واضافه جهاز جديد واضافه كل التفاصيل الخاصه به مثل الاسم و العنوان او مايعرف بالماك ادرس

من رقم 1 المشار اليه هو مكان كتابه الاسم .. ليس شرط اساسي ان تكتب اسم جهازك نفسه ولكن اكتب اي اسم يذكرك باسم وصاحب الجهاز 

في رقم 2 عليك ان تكتب الـ Mac Address 👍 للجهاز الخاص بك او الذي تريد حظره حسب اختيارك لـ القائمه السوداء اكتب عنوان الجهاز الذي تريد حظره واذا اخترت القائمه البيضاء اكتب جهازك لكي يتم حظر اي جهاز الا جهازك ! 

ما هو الـ MAC Address؟

الـ MAC Address هو اختصار لـ Media Access Control Address.

بالعربي: هو رقم تعريفي ثابت لكل جهاز بيتصل بالإنترنت (موبايل، لابتوب، تابلت، سماعة ذكية…).

تقدري تعتبريه زي "الرقم القومي" للجهاز — ما بيتغيرش (إلا لو عملت تغيير يدوي أو خداع باستخدام برامج خاصة).

الفرق بينه وبين الـ IP Address:

IP = ممكن يتغير كل مرة تتصل فيها بالراوتر

MAC = ثابت ومميز لكل جهاز، والراوتر يقدر يميزك بيه حتى لو غيرت الـ IP

ليه الماك أدرس مهم في البلاك ليست والوايت ليست؟

لأنك لما تضيف جهاز في القائمة السوداء أو البيضاء، الراوتر مش بيخزن اسم الجهاز (زي "Samsung A51")، لكن بيخزن الماك أدرس. بالتالي: حتى لو الشخص غيّر اسم جهازه، الراوتر هيفضل عارفه ويطبق عليه القاعدة

مهم جدا تعرف النقطه دي ⚠🤞

بعض الموبايلات والأنظمة الحديثة (أندرويد 10 وفوق، و iOS 14 وفوق) بتعمل حاجة اسمها Random MAC Address أو Private Address.

دي ميزة أمان بتغيّر الماك أدرس كل مرة الجهاز يتصل بشبكة جديدة → الهدف منها منع التتبع والتجسس.

لكن… لما تيجي تستخدم الراوتر في Blacklist / Whitelist الموضوع ده يبوظ التحكم، لأن الماك بيتغير باستمرار عشان كده لازم تعرف العنوان الاكيد والصحيح لجهازك 

إزاي تعرف الماك أدرس الحقيقي (الثابت) لجهازك؟

على أندرويد 💚

افتح الإعدادات → Wi-Fi

دوس على الشبكة اللي متصل بيها (اضغط علامة الترس ⚙️)

هنلاقي خيار اسمه

MAC Type أو Privacy او نوعيه العنوان

هتلاقي عندك اختيارين:

Randomized MAC / Private Address واحيانا يكون اسمه العنوان العشوائي  → ده اللي بيتغير

Phone MAC / Device MAC عنوان الهاتف او الافتراضي → ده هو الحقيقي والثابت

لازم تختار  ( عنوان الهاتف ) Phone MAC عشان تتحكم في الجهاز من الراوتر

على آيفون (iOS) ❤

افتح الإعدادات → Wi-Fi.

دوس على علامة (i) جنب الشبكة المتصلة.

هتلاقي خيار اسمه Private Address.

لو مفعّل → الجهاز بيستخدم ماك عشوائي.

لو عايز تستخدم الماك الثابت → اقفل الخيار ده، وهتظهرلك القيمة الحقيقية تحت اسمها Wi-Fi Address

على ويندوز / لابتوب 🗨

معظم أجهزة الكمبيوتر مش بتفعل الماك العشوائي افتراضيًا

لكن لو فعلت Random Hardware Address (موجودة في إعدادات Wi-Fi لبعض نسخ ويندوز 10 و11)، هتلاقيها في:

Settings → Network & Internet → Wi-Fi → Manage Wi-Fi settings

الأفضل تقفلها عشان تفضل تستخدم الماك الحقيقي

الخلاصة 😁

Random MAC = بيتغير ومش ينفع تستخدمه في القوائم.

Original / Device MAC = هو اللي يهمنا وهنضيفه في الـ Blacklist أو Whitelist.

الحل: دايمًا عطل العنوان العشوائي لما تحب تتحكم في جهازك من الراوتر

إضافة الماك أدرس

هتكتب/تلصق الماك اللي جبته من الجهاز (مثال: BC:92:6B:A4:F3:11) من الي شاورت على مكانه برقم 1

بعد كده:

لو اخترت Blacklist → الجهاز ده مش هيدخل على الشبكة حتى لو معاه الباسورد

لو اخترت Whitelist → بس الأجهزة اللي انت سجلتها هي اللي تقدر تدخل

و من المشار اليه برقم 2 .. هو الشبكه الاولى الاساسيه الخاصه بي الي حابه الحظر يتطبق عليها لو عندك اكثر من شبكه اختار رقم الشبكه الخاص بيك من هنا 2 

 ودلوقتي نضغط على كلمه Apply للتنفيذ 🐱‍🏍🎉

في بعض الراوترات لازم تعمل Restart عشان الإعداد يشتغل

نصايح مهمة

لو هتستخدم Whitelist → لازم تدخل كل الأجهزة المسموح بيها (موبايلك، اللاب، التلفزيون، إلخ)

 أي جهاز مش هتكتبه مش هيدخل النت

لو هدفك بس تمنع ضيف أو intruder → الأفضل تستخدم Blacklist لأنها أسهل وأسرع

اعمل نسخة احتياطية (Export) لإعدادات الراوتر قبل أي تعديل، عشان لو لخبطت ترجعه بسرعة

انا شخصيا افضل الطريقه الابسط وهي طريقه متصل ولا يوجد انترنت وسبق وشرحناها فيديو و مقال ممكن تشوفها وتختار الاسهل بالنسبه لك 

المقال موجود ( اضغط  هنا )  وكمان ممكن  تشوف الفيديو من هنا