تطبيقات تسهل حياتك واستخدامك اليومي
النهارده هنتكلم عن تطبيقات انا شخصيا بحتفظ بيها على اي موبايل بستخدمه
الفكره من التطبيقات دي انها مش مجرد رفاهيه ولكن فعلا بتقدم قيمه قويه وادوات يعتمد عليها في حياتنا اليوميه
عشان كده وبدون اطاله خلينا نبدء نتكلم عن التطبيقات دي
والي هسميها
( تطبيقات تسهل حياتك واستخدامك اليومي )
الماسح السحري ( ماجيك إيريسر - إزالة الكائنات )
التطبيق ده واحد من افضل التطبيقات المجانيه الي ممكن تكون سق واستخدمته للتعديل على الصور لان ده تطبيق بيشيل لك اي شخص او اي حاجه في الصوره انت مش عاوزها بالذكاء الاصطناعي وكمان بيرفع جوده الصوره وكمان بيغير الخلفيه او يشيلها خالص ده بالاضافه انه بيقدر يكمل لك الصوره سواء بالطول او بالعرض بالذكاء الاصطناعي عشان تبقى صورتك كامله وجميله بشكل افضل تقدر كمان تحول صورتك لفلتر بالذكاء الاصطناعي من خلال التطبيق ده عيبه الوحيد ان في شويه اعلانات كده مزعجه ولكن مضطرين نستحمل غير كده فتطبيق يصلح للاندرويد والايفون تقدر تحمله بمنتهى السهوله وبشكل مجاني
Braindump
التطبيق ده بقا احسن تطبيق تقدر تقول له النوت بتاعتك بالصوت وهو يحولها لك بالكتابه سواء تسمع صوتك زي ما هو او تفرغ النص اللي موجود جوه الصوت التطبيق بيشتغل بالذكاء الاصطناعي مجاني وموجود على الاندرويد اقصى مده تسجل بيها النوت بتاعتك هي 10 دقائق والاجمل من كده ان هو بيدعم لغات كثير جدا من ضمنها واهمها اللغه العربيه تقدر تجربه بنفسك لان انا جربته الفتره الاخيره وعجبني 100% التطبيق متاح للاندرويد دورت عليه على الايفون ما لقيتوش
وللملاحظه والتحديث : حاليا التطبيق فيه اشتراكات مدفوعة فممكن تكون تجربتك المجانيه محدوده نوعا ما
Perplexity
ده تطبيق ذكاء اصطناعي بس في حاجات احلى من شات جي بي تي انك لو بحثت عن معلومه بيجيبها لك من مصادر كثير وكمان موجه اكثر للناس اللي بتدور على اجابه لاسئلتهم من مصادر مضمونه وبدون هري كتير بالتالي هيعجبك
Arc Search
ده بقى متصفح بس ذكي شويتين " شخصيا استفدت منه جدا جدا " تدخل عليه وتقول له بس ابحث لي عن المعلومه الفلانيه يقول لك بص يا باشا انا دورت في المصادر كذا وكذا وكذا ودي النتيجه ودي الخلاصه بتاعتها وفتحت خالص ادي المصادر اهي وفي نفس الوقت تقدر تستخدمه كمتصفح عادي زي كروم ما فيش اي مشاكل متاح للاندرويد وكمان للايفون وبشكل مجاني جربه انصحك بيه
Image Minify
لما بتنزل اي صوره ليك على السوشيال ميديا جودتها بتبقى وحشه وده عشان المنصات بتضغط حجم الصور دي بالتالي ما تاخدش مساحه كبيره في السيرفرات بتاعتها والي بالتالي بيقلل جوده صورك وديما بتلاحظ ان الفرق كبير بين اصل صورتك وبين الي على السوشيال ميديا ! ده بقى تطبيق بيضغط لك حجم الصوره بتاعتك بدون ما ياثر على الجوده بتاعتها بشكل كبير بحيث لما ترفعها على موقع من مواقع التواصل الاجتماعي ما تضغطش بشكل كبير وتخسر جودتها مفيد قوي سهل جدا ومجاني
N Dial: Minimal Dialer
لو زهقت من شكل برنامج الاتصال العادي اللي موجود عندك فده واحد من افضل التطبيقات اللي انا بنصحك تجربها شبيه قوي بموبايلات ناثينج فون ( الي شخصيا بحسها من اكثر الموبايلات والواجهات clean او رايقه نوعا ما ومختلفه عن باقي الهواتف ) تقدر تحمله وتدي له الاذنات اللازمه وتخليه هو برنامج او تطبيق الاتصال الافتراضي على موبايلك وبالتالي تستقبل وتتصل من خلاله هتلاقي في اشكال جميله جدا لجهات الاتصال مختلفه عن الاشكال العاديه وكمان تقدر تضيف شكل صور لجهات الاتصال او الارقام بتاعتك يعني مختلف جدا عن الواجهات التقليديه اللي عجبني فيه ان هو لطيف جدا وخفيف وفي نفس الوقت ما فيهوش اعلانات والاحلى من ده كله طبعا ان هو مجاني
Widget Lab
لو عجبتك الويدجت دي فانت محتاج التطبيق ده التطبيق ده في منه نسخه مجانيه بس فيها شويه اعلانات كتير وفي منه نسخه مدفوعه بيعرض عليك ان انت تشتريها اول ما تحمل التطبيق بتضغط على علامه الاكس وبعدين بتكمل في نسخه المجانيه عادي وبعدين بتختار اي شكل ويدجت انت عاوزه وبتضيفي بمنتهى السهوله للشاشه الرئيسيه بتاعتك تغير ان في حاجات ثانيه غير الويدجت زي الخلفيات المتحركه وكمان انيميشن شحن يغير شكل الشحن لما تحط موبايلك على الشحن وشخصيا اعتقد انه افضل تطبيق للاختصارات او الويدجت للاندرويد وكذلك متاح شبيهه على الايفون
NetGuard - no-root firewall
عاوز تفصل النت عن تطبيق معين في موبايلك وباقي التطبيقات تكون شغاله عادي على الانترنت بدون مشاكل هقول لك تحمل التطبيق ده واه عارفه انك تقدر تعمل ده من خلال الاعدادات وتدخل على الاعدادات وتعمل فرض الايقاف او تمنع عنها البيانات ولكن ده مش متاح لكل الموبايلات وده اللي مخليني اشرح لك التطبيق ده بتحمل التطبيق بتدي له كل الاذونات اللازمه وبعدين بتدخل على الواجهه بتاعته من التطبيقات بتلاقي عندك علامه واي فاي وعلامه الداتا بتقدر تفصل النت عن اي تطبيق انت عاوزه ولما تحب ترجعه ثاني بتعمل ده بمنتهى السهوله بتضغط تفعيل على علامه الواي فاي او علامه الداتا مره ثانيه بدون اي مشاكل
مدرسة عصافير: قصص ودروس عربية
اللغه العربيه عشان اللغه العربيه هي اهم شيء ويبنى عليها كل شيء فعشان كده لازم يكون عندك تطبيق عصافير تطبيق عصافير هو مدرسه لابنك بدل ما هو بيستخدم الموبايل او قد كتير على حاجات مش مفيده تقدر تحمل له التطبيق ده وبمنتهى السهوله بيتعلم اللغه العربيه بدايه من قواعد والنحو وكل حاجه على شكل العاب وكمان تدريبات ودروس تعليميه خفيفه بتكون مفيده 100% بالنسبه له عشان كده بنصحك تحمل التطبيق ده وانت تجربه بنفسك كمان قبل ما تديه لاولادك ودي حاجه شخصيا انصحك بيها بشده قبل تثبيت اي تطبيق على جهاز اولادك ان تجربه بنفسك وتهتم بمراجعه تفاصيله للحفاظ على امانهم وسلامتهم
🎥 فيديو المقال
في المقال ده وكمان في فيديو اليويتوب اقترحت عليك كل التطبيقات الي بنصح بيها لاي حد بحبه ويهمني انه يستفيد من جهازه اكمل استفاده .. ولسه طبعا في اجزاء تانيه قادمه قريبا
ولكن احب اعرفك ان في فيديو للمقال ده ممكن تشوفه من هنا 👍
timeJot
كمان شخصيا حابه اقترح عليك تطبيق اخر عملي وشخصيا استخدمه ااساسي لكل هاتف بستخدمه هو تطبيق timeJot سبق وتكلمت عنه في مقال منفرد و فيديو ولكن ملخص للكلام التطبيق ده بيفكرك باخر مره عملت حاجه معينه امتى على سبيل المثال : اخر مره سقيت زرعك اخر مره زرت طبيبك الى اخره
وبيعملك تسلسل زمني وفرق الوقت بين المره والتانيه ( كشخص بنشغل كتير وانسى بعتمد عليه في تسجيل الاحداث لذلك انصحك بيه ياصديقي ) وفي النهايه انتظروا القادم والجديد
